شكرا ....
بقلم ... حنان حلمي
شكراً للناس الغاليين
الي سابونا وراحوا غايبين
طب ليه بقى من الأول
يتدخلوا حياتنا يا حلوين
حبينا الحياة معاكم،
يا ترى فاكرين ولا ناسيين؟
كان وقت قليل بس جميل،
كنتم جوه قلوبنا ساكنين
لما بسترجع ذكرياتي،
بلاقيكم جوه القلب والعين
في غيابكم بحس
أن روحي ملأها الألم والحنين
يا عيوني ما تبكيش،
يمكن في يوم نكون متجمعين
ويكون لينا نصيب
من السعادة ونتقابل فرحانين
هترجع تاني صدقني،
هنتقابل تاني وهنكون متهنيين
أمنية بيها عايشين،
لابد يكون عندك أمل ويقين
عمرنا ما هننساكم
مهما مرت من سنين
بالرغم من البعد والفراق
ذكراكم في القلب باقيين
كل لحظة عشناها معاكم
بتنور حياتنا وتخلينا فرحانين
في كل مكان بنروحه
بنشوفكم حتي لو مغمضين
ذكريات لنا معاكم
محفورة بتزيد شوقنا
ياريت ترجع الأيام بينا
ومن تاني تهلوا علينا
شكرا والف شكر
للناس الي سابونا وغايبين
ليست هناك تعليقات:
إرسال تعليق