قوللي ساكت ليه اتكلم
حابس دموعك
حزين ومتألم
شايل هم السنين
جواك حاجات كتير
لساها مش متحققة
بتقول خلاص هنام
وانسي كل الالام
واهي عيشة والسلام
يمكن اشوف في المنام
اللي يهون مر الايام
صدقني كلها اوهام
هتطير يادوبك اوام
اصحي حبيبي وفوق
لساها حبتين
حبة ارادة وحبة يقين
محتاجة زقتين
بالهمة توصل اكيد
وانفض كل اللي راح
برحمة المولي
تروق من همك وترتاح
رجع قوة زمان
جبال ياما بنيتها
بقسوة الايام
يمكن تكون نسيتها
لكنه ان الاوان
يرجع شموخك اللي كان
شد ليه الرحال
وهستني منك سلام
هناك في آخر الطريق
وتقوللي دي دعوتك ياامي
جسري في بحري الغريق
وشراع وجه مركبي
لشطي ومرسي الامان
بقلمي( سهير الخولي )
ليست هناك تعليقات:
إرسال تعليق