أخبار حارتنا
على مصطبتنا
مع الحاج هلال
.....................
كان زمان على مصطبتنا
ذكريات حكايات حارتنا
برة الحارة وجوة الحارة
وتحكي الجارة ويا الجارة
أيام صورة كانت منشورة
٠أطفال تجري وترمي حجارة
والجار يحكي ويا الجار
عالمصطبة قدام الدار
بكلام ييجي في الأخبار
عن أطفال اصغار شطار
طفل بيجري وماسك نبلة
بيدافع عن أول قبلة
وطفل يقول خلويص وخلاص
و لا فت أنظار كل الناس
عنده النية. و الإخلاص
يبقى القصة و النبراس
وكل العالم فيه محتاس
وحكاوي فى الحارة الآن
.بعد زمان فات وأعوام
أطفال كبروا وصبحوا رجال
وحديث الساعة وعنوان
وبرامج نشرة وجرنال
والتحاليل في الأخبار
والعالم فيهم محتار
ويقول أستر. يا ستار
طفل النبلة والأحجار
واكل الصورة بإستمرار
وخللا. العالم لف ودار
والإعلام فيهم محتار
وانا فرحان و مش زعلان
لما باشوفهم في الإعلام
وكل الحارة كده فرحانة
وتحكي عن أطفال وحجارة
وعشان كده أنا خدت قرار
ليل ونهار. أسمع أخبار
ونحكي عنهم ب إستمرار
لكل الحارة كبار وصغار
...............................
أخبار حارتنا
على مصطبتنا
مع الحاج هلال
ليست هناك تعليقات:
إرسال تعليق