=============== --ميلاد وردة ===== ###################################
قبل ما يكتبوا للورد ميلاد جديد
عينيكى كات جدول المواعيد
يوم بيوم وعيد بعيد
اول كلام الحب انتى
اول حواديت العشق كنتى
اول حكايات للشجرللنجوم
وقت الشروق
اخر دموع الورد ساعة الغروب
اسمك كان قناديلى فى كل الدروب
انتى اللى سطر لقلبى ابجديات القلوب
انتى اللى ناديتك وقت احزانى
وقلتى للحزن توب
اجمل ما فيكى اغصان الزتون
تطرح امل وساعات نجوم وشىء حنون
انتى اللى شلتى معايا كل هم
انتى اللى وقت الضيقة كنت أم
وانتى طيرى فى سجونى
ووقت قله الحيله
اجرى على كل الفروع والشجر يشتاق لعيله
والغربه فى بعدك اصعبها شيله
الشمس بتفضى نورها فى العيون
وانتى عيونك ضليله
تحمى قلبى من هموم تقيله
وقت الحزن تفتحى بوابه الافراح
وقت الوحدة القاكى حضن وبراح
فى التوهه ترسمى سكة
وتعملى لى جناح
تسندى ضهرى بضهرك
وتسترينى بحبك المتاح
اجمل الحياة انتى و الحياة انتى
اجمل الزهور انك ما يوم خنتى
===================محمد عبد المقصود داود
ليست هناك تعليقات:
إرسال تعليق