(تعالي هني قلبي واسعد فؤادي)
ياطيف حبيبي ياسارق افكاري
وبقيت كل العالم بالنسبالي
من كُتر نار حبي واشواقي
تعالي شوف إيه اللي جرالي
وازاي رسمت صورتك علي نن عيني
وحفرتها في قلبي وطبعتها في خيالي
واتعودت ابقي معاك وانت بعيد عني
وكل ليله اسهر مع طيفك يدفيني ويفرح قلبي
ويِهَوِّن عليا عذابي وطول الليالي
وانشغل بيك علي طول بالي
ياللي حسنك وجمالك مهواش موجود
يارقه وحنان هوايا فاق الحدود
خليت القمر غار منك وشكي
وكل عاشق لعشيقه عنك حكي
والليل مهما طال مبقاش عايز يرُوح
شايف الكل من سحر عيونك والكحل في جفونك ورمشك مجروح
قوللي اعمل ايه في غيابك اللي مجنني
ومين علي بعادك يقدر يصبرني
العين مش عايزه تغمض أو تنام
وآهات القلب بتنادي آااه ياغرام
والشوق أنينه غالب حنينه ليل ونهار
حبيبي تعالي هني قلبي واسعد فؤآدي متخلنيش احتار
دأنا ياما قاسيت من مرار طول الإنتظار
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق