لسه فاكر ؟
لسه فاكر دمعتي ، وقت الوجع
لسه فاكر شكوتي ، وسهم اللوع
لسه فاكر يا أناني ..
عمر الشوق ما زار حناني ؟
ولا حتى دمعي إرتجع ؟
حبل الأماني صعب تاني يتوصل
والذكريات المره ..
مستحيل تصبح عسل
وطير المحبه إل جمع عشنا
ساب دربنا ، وغٓرَبْ بعيد م ال حصل
والنبتة الحلوه إل جفت أرضها
رافضه تعود ونشم تاني عطرها
والسما الصافيه ال بتحضن نجمها
سحابه سوده حالفه جمالها يتفصل
حتى ينابيع الغرام إل دوقنا رقته
مات كمان لما ضلينا سكته
وتاني تسأل ..
الشمس ليه رافضه الشروق ؟
والبحر ليه موجه ثاير وعاصي يروق ؟
والبدر ف ليلة تمامه ، صابه الخسوف ؟
والهمس ال ياما زارنا ، بطل يطوف ؟
باختصار ، الهجر نار
والحب مل الإنتظار
والقرار ..
خليك عنيد ، وابعد بعيد
قلبي مش حمل الإنكسار
ليست هناك تعليقات:
إرسال تعليق